News Pillar
Today’s Latest Telugu News Online, Breaking News in Telugu, Get Telugu News Headlines Form AP,Telangana Politics, Crime, Sports, Cricket, Business, Technology, Telugu Movies, Photos, and Videos

కరోనా టీకా వచ్చేసింది .. !


కరోనా వైరస్ ప్రపంచ దేశాలను వణికిస్తోంది. ఈ ప్రాణాంతక వైరస్‌ నివారణ కోసం పలు దేశాలు విస్తృతంగా ప్రయోగాలు చేస్తున్నాయి. ప్రయోగాలు చేస్తున్న దేశాలు ఒకదానితో ఒకటి పోటీ పడుతున్నాయి.తాజాగా రష్యాలో ఓ వ్యాక్సిన్ క్లినికల్ ట్రయల్స్ విజయవంతంగా పూర్తి చేసుకొని మార్కెట్లో అడుగు పెట్టడానికి సిద్ధమైంది. ప్రపంచంలో క్లినికల్ ట్రయల్స్ పూర్తి చేసుకున్న తొలి వ్యాక్సిన్ ఇదే కావడం విశేషం. రష్యాకు చెందిన గమలీ ఇనిస్టిట్యూట్‌ ఆఫ్‌ ఎపిడెమాలజీ అండ్‌ మైక్రోబయాలజీ ఉత్పత్తి చేసిన వ్యాక్సిన్‌కు సంబంధించి క్లినికల్‌ ట్రయల్స్‌ విజయవంతంగా పూర్తయినట్లు ఆ దేశానికి చెందిన సెచెనోవ్‌ విశ్వవిద్యాలయం తెలిపింది. వాలంటీర్లపై పరీక్షలు పూర్తయ్యాయని వెల్లడించింది. ఈ వ్యాక్సిన్‌‌పై క్లినికల్‌ ట్రయల్స్‌ను జూన్‌ 18న ప్రారంభించారు.

తొలి గ్రూప్‌ వాలంటీర్లపై ప్రయోగాలు విజయవంతంగా పూర్తయ్యాయి. వీరంతా బుధవారం (జులై 15) డిశ్చార్జ్ కానున్నారు. జులై 20న రెండో గ్రూప్‌ వాలంటీర్లు డిశ్చార్జ్ అవుతారని విశ్వవిద్యాలయ వర్గాలు తెలిపాయి. క్లినికల్ ట్రయల్స్ చివరి దశ లక్ష్యం వ్యాక్సిన్‌ భద్రతను పరీక్షించడమని.. అది విజయవంతంగా జరిగిందని వెల్లడించారు. టీకా భద్రత నిర్ధారణ అయ్యిందని.. ఇది ప్రస్తుతం మార్కెట్లో ఉన్న వ్యాక్సిన్ల భద్రతకు అనుగుణంగా ఉంటుందని యూనివర్సిటీ వర్గాలు చెబుతున్నాయి.

- Advertisement -

Leave A Reply

Your email address will not be published.