News Pillar
Today’s Latest Telugu News Online, Breaking News in Telugu, Get Telugu News Headlines Form AP,Telangana Politics, Crime, Sports, Cricket, Business, Technology, Telugu Movies, Photos, and Videos

జగన్ బాలకృష్ణ అభిమానా ..

అమరావతి : ప్రస్తుతం సోషల్ మీడియాలో ఒక ఇమేజ్ వైరల్‌గా మారింది. అది 2000 సంవత్సరానికి చెందిన పేపర్ కటింగ్. దీనిలో నందమూరి బాలకృష్ణ సూపర్ హిట్ మూవీ ‘సమరసింహారెడ్డి’ ప్రకటన ఉంది. ఈ ప్రకటన ఇచ్చింది సాక్షాత్తు ప్రస్తుత ఆంధ్రప్రదేశ్ ముఖ్యమంత్రి వై.యస్.జగన్‌మోహన్ రెడ్డి. ‘2000 నూతన సంవత్సర శుభాకాంక్షలతో వై.యస్.జగన్మోహన్ రెడ్డి, ప్రెసిడెంట్, కడప జిల్లా బాలయ్య అభిమాన సంఘం’ అని ఆ ప్రకటనలో ఉంది. జగన్ అప్పటి ఫొటో కూడా దీనిపై ముద్రించారు. మొత్తం మీద ‘సమరసింహారెడ్డి’ 365 రోజులు పూర్తిచేసుకున్న సందర్భంగా బాలయ్య అభిమాన సంఘం అధ్యక్షుడి హోదాలో జగన్ నూతన సంవత్సర శుభాకాంక్షలు చెబుతున్నట్లు దీనర్థం.

Jagan

ఇక్కడ వరకు బాగానే ఉంది. అయితే ఈ వైరల్ ఇమేజ్‌పై ప్రస్తుతం సోషల్ మీడియాలో వాదనలు జరుగుతున్నాయి. ఆ ఇమేజ్ మార్ఫింగ్ చేశారని, అసలు జగన్ బాలయ్య అభిమాని కాదని అంటున్నారు. ‘సమరసింహారెడ్డి’ సినిమా 1999లో విడుదలైంది. కడపలో ఈ సినిమా ఒకే థియేటర్లో 365 రోజులు ఆడింది. ఈ సందర్భంగా 2000 సంవత్సరంలో కడప జిల్లా బాలయ్య అభిమాన సంఘం అధ్యక్షుడు పేపర్ యాడ్ ఇచ్చారు. ఇంత వరకు బాగానే ఉంది. కానీ, అభిమాన సంఘం అధ్యక్షుడు జగన్ అనడం తప్పంటున్నారు.

- Advertisement -

Jagan

వాస్తవానికి ఈ పేపర్ యాడ్‌లో ఉన్న జగన్ ఫొటో 2003లో తీసిందట. తన భార్య భారతితో ఈ ఫొటో తీసుకున్నారట. ఆ కలర్ ఫొటోలో జగన్ ఇమేజ్‌ను తీసుకొని బ్లాక్ అండ్ వైట్‌గా మార్చి ఈ పేపర్ యాడ్‌లో తగిలించేశారని అంటున్నారు. అంతేకానీ, బాలయ్యకు జగన్ అభిమాని కాదని.. అసలు ఆ పేపర్ యాడ్ ఆయన ఇచ్చింది కాదని స్పష్టం చేస్తున్నారు. మొత్తం మీద ఈ ఫొటో మార్ఫింగ్ ఎవరు చేశారో కానీ.. సోషల్ మీడియాలో అయితే మాత్రం పెద్ద యుద్ధానికి తెరలేపారు.

Jagan

Leave A Reply

Your email address will not be published.