News Pillar
Today’s Latest Telugu News Online, Breaking News in Telugu, Get Telugu News Headlines Form AP,Telangana Politics, Crime, Sports, Cricket, Business, Technology, Telugu Movies, Photos, and Videos

బాబుకు జగన్ ఝలక్ ..

అమరావతి : అసెంబ్లీ ఎన్నికల్లో ఓటమితో ముఖ్యమంత్రి స్థాయి నుంచి ప్రతిపక్ష నేతగా మారిన టీడీపీ అధినేత నారా చంద్రబాబునాయుడుకి ఆంధ్రప్రదేశ్ ప్రభుత్వం భద్రతను క్రమంగా తగ్గిస్తోంది. అసెంబ్లీ ఎన్నికల్లో పార్టీ ఓటమి తర్వాత పోలీసు శాఖ ఆయన భద్రతను కొంచెం కొంచెంగా తగ్గించుకుంటూ వస్తోంది. ఈ విషయాన్ని ఆ పార్టీ నేతలే చెబుతున్నారు.

Chandrababu

చంద్రబాబుకు మొన్నటివరకు రాష్ట్ర ప్రభుత్వం జడ్ ప్లస్ భద్రత కల్పిస్తుండగా, కేంద్రం ఎన్ఎస్‌జీ భద్రత ఏర్పాటు చేసింది. ఉమ్మడి ఆంధ్రప్రదేశ్ ముఖ్యమంత్రిగా ఉన్న సమయంలో 2003, అక్టోబరు 1వ తేదీన శ్రీవారి బ్రహ్మోత్సవాల సందర్భంగా చంద్రబాబు స్వామివారికి పట్టువస్త్రాలు సమర్పించేందుకు తిరుమలకు వెళ్తున్నారు. ఆ సమయంలో అలిపిరి వద్ద ఆయన్ని హత్య చేసేందుకు మావోయిస్టులు ల్యాండ్‌మైన్ పేల్చారు. ఈ ఘటనలో తీవ్రంగా గాయపడిన చంద్రబాబు ప్రాణాలతో బయటపడటంతో అంతా ఊపిరి పీల్చుకున్నారు.

- Advertisement -

Chandrababu

అప్పటినుంచి ఆయనకు కేంద్ర, రాష్ట్ర ప్రభుత్వాలు పటిష్ట భద్రత కల్పిస్తున్నారు. 2004-14 వరకు పదేళ్లపాటు ప్రతిపక్షంలో ఉన్నప్పటికీ ఆయనకు జడ్ ప్లస్ సెక్యూరిటీ కొనసాగించారు. 2014-19 వరకు ఐదేళ్లపాటు ఏపీ సీఎంగా కొనసాగిన ఆయనకు అత్యంత పటిష్ట భద్రత ఏర్పాటుచేశారు. తాజా ఎన్నికల్లో ఓడిపోవడంతో ఆయన మళ్లీ ప్రతిపక్ష నేతగా మారారు. తాజాగా పోలీసు శాఖ ఆయనకు కృష్ణా, గుంటూరు జిల్లాల్లో ఆయనకు ఎస్కార్ట్ తొలగించింది. విజయవాడలో రోడ్ క్లియరెన్స్ కూడా ఎత్తివేశారు.

Leave A Reply

Your email address will not be published.