News Pillar
Today’s Latest Telugu News Online, Breaking News in Telugu, Get Telugu News Headlines Form AP,Telangana Politics, Crime, Sports, Cricket, Business, Technology, Telugu Movies, Photos, and Videos

జియో ఖాతాదారులకు శుభవార్త.. ఎయిర్‌టెల్‌కు పోటీగా జియో వై-ఫై కాలింగ్!

  • దేశవ్యాప్తంగా అందుబాటులోకి
  • వై-ఫైను ఉపయోగించుకుని వాయిస్, వీడియో కాల్స్ చేసుకునే సదుపాయం
  • గ్రామీణ ఖాతాదారులకు వరం

ప్రముఖ టెలికం సంస్థ భారతీ ఎయిర్‌టెల్ ఇటీవల తీసుకొచ్చిన వై-ఫై కాలింగ్ సేవలకు పోటీగా రిలయన్స్ జియో కూడా దేశవ్యాప్తంగా వై-ఫై కాలింగ్ సేవలను అందుబాటులోకి తీసుకొచ్చింది. ఈ ఫీచర్‌ను ఉపయోగించి వాయిస్, వీడియో కాల్స్ చేసుకోవచ్చని జియో ఈ సందర్భంగా పేర్కొంది. ఈ ఫీచర్ 150కి పైగా మొబైల్ మోడళ్లలో పనిచేస్తుందని జియో తెలిపింది. కాగా, ప్రత్యర్థి ఎయిర్‌టెల్ వై-ఫై కాలింగ్ సేవలు కేవలం మూడు మోడళ్లకు మాత్రమే పరిమితం కావడం గమనార్హం.

- Advertisement -

ఈ సేవల వల్ల మొబైల్ నెట్‌వర్క్ అందుబాటులో లేని సమయంలోనూ కాల్స్ చేసుకోవచ్చు. ముఖ్యంగా గ్రామీణ ప్రాంత వినియోగదారులకు ఇది ఎంతగానో ఉపయోగపడుతుంది. అందుబాటులో ఉన్న వై-ఫై నెట్‌వర్క్‌ను ఉపయోగించుకుని కాల్స్ చేసుకోవచ్చు. ఈ సేవల కోసం అదనంగా ఎటువంటి రుసుమూ చెల్లించాల్సిన అవసరం లేదని వివరించింది. వై-ఫై కాలింగ్‌ను ఉపయోగించుకోవడానికి ఫోన్‌లోని వై-ఫై సెట్టింగ్స్‌లోకి వెళ్లి కాలింగ్ ఆప్షన్‌ను ఎంచుకోవాల్సి ఉంటుంది.
Tags: Reliance, Jio, Wi-fi Calling, Airtel

Leave A Reply

Your email address will not be published.