త్రిషకు మద్దతు ప్రకటించిన చిరంజీవి 

 చిరంజీవి ఏమన్నారంటే.. త్రిష పై నటుడు మన్సూర్‌ అలీఖాన్‌ చేసిన వ్యాఖ్యలు నా దృష్టికి వచ్చాయి.. ఒక నటిని మాత్రమే కాదు.. ఏ స్త్రీని ఇలా అనకూడదు.. చాలా అసహ్యంగా ఉన్నాయి.. వీటిని తీవ్రంగా ఖండించాలి.. వక్రబుద్ధితో ఇలా మాట్లాడుతున్నారు.. త్రిషకు మాత్రమే కాదు.. ఇలాంటి వ్యాఖ్యలు ఏ అమ్మాయి ఎదుర్కొన్నా.. నేను అండగా ఉంటాను.. అని చిరంజీవి పోస్ట్‌ చేశారు. ప్రస్తుతం ఈ పోస్ట్‌ సోషల్ మీడియాలో వైరల్‌గా మారింది.

తమిళ నటుడు మన్సూర్‌ అలీఖాన్‌ ఇటీవల ఓ ఇంటర్వ్యూలో మాట్లాడుతూ.. గతంలో తాను ఎన్నో రేప్‌ సీన్లలో నటించానని.. లియో సినిమాలో అవకాశం వచ్చినప్పుడు త్రిషతో కూడా అలాంటి సన్నివేశం ఉంటుందని అనుకున్నట్లు చెప్పారు. ఆ సన్నివేశం లేకపోవడంతో బాధగా అనిపించిందని కామెంట్ చేశారు. ఈ వ్యాఖ్యలపై  త్రిష ఆగ్రహం వ్యక్తం చేయగా, చాలా మంది ఆగ్రహం వ్యక్తం చేస్తున్నారు. ఐతే తన వ్యాఖ్యలను తప్పుగా  అర్ధం చేసుకున్నారని మన్సూర్‌ అలీఖాన్‌ వివరణ ఇచ్చారు.